Bu Gün Hava: ABŞ dolları1.7 AZNAvro2.0142 AZN
Oxunub: 52 dəfə

Kazandakı azərbaycanlılar aztəminatlı ailələrə yardım ediblər

Paylaş

COVID-19 pandemiyası ilə mübarizə çərçivəsində keçirilən xeyriyyə aksiyalarına Rusiya Federasiyasının Tatarıstan Respublikasında fəaliyyət göstərən Azərbaycan diasporu da qoşulub.

Arx.az xəbər verir ki, Diasporla İş üzrə Dövlət Komitəsindən verilən məlumata görə, “Azərbaycan” milli-mədəni muxtariyyətinin təşkilati dəstəyi ilə Kazan Federal Universitetinin tələbələrinə zəruri ərzaq məhsullarından ibarət 25 paket göndərilib.

Ərzaq paketləri universitet rəhbərliyinə təhvil verilib.

“Azərbaycan” milli-mədəni muxtariyyətinin sədri Bəşir Bəşirov bildirib ki, xeyriyyə aksiyası zamanı Kazanda yaşayan və tətbiq olunan karantin qaydalarına görə çətin duruma düşən həmvətənlərimiz də unudulmayıb. Siyahısı əvvəlcədən müəyyənləşdirilən həmvətənlərimiz üçün hazırlanan 150 ərzaq paketi də birbaşa ünvanlara çatdırılıb.

B.Bəşirov qeyd edib ki, yardımların ünvanlara çatdırılması işini təşkilatın gənclər qanadının lideri Elvin Müslümovun rəhbərlik etdiyi qrup həyata keçirir.

Paylaş

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

top.moy.az