Bu Gün Hava: 6°ABŞ dolları1.7 AZNAvro1.8352 AZN
Oxunub: 10 dəfə

Yaponiya Cənubi Koreyaya etiraz edib

Paylaş

Yaponiya “Tokio-2020” Yay Olimpiya və Paralimpiya oyunlarına həsr olunmuş afişalara görə Cənubi Koreyaya etiraz edib.

Arx.az xarici KİV-lərə istinadla xəbər verir ki, bu barədə fevralın 14-də Tokioda keçirilən ənənəvi mətbuat konfransında Yaponiya Nazirlər Kabinetinin baş katibi Yoşihide Suqa məlumat verib.

Həmin afişalarda Tokio Olimpiya Oyunları 2011-ci ildə Fukuşima prefekturasında baş vermiş atom qəzası ilə əlaqələndirilir.

Yaponiya Xarici İşlər Nazirliyinin məlumatına əsasən, arxa fonda “TOKYO 2020” yazısının əks olunduğu bu afişalarda xüsusi müdafiə kostyumu geymiş şəxs əlində məşəllə qaçır. Qeyd olunub ki, həmin afişalar Cənubi Koreyaya məxsus özəl şirkətin təşəbbüsü ilə hazırlanıb.

Həmçinin bu afişaların Seulda inşası nəzərdə tutulan Yaponiyanın yeni səfirliyinin yaxınlığında yanvarda yerləşdirildiyi qeyd edilir. Bundan əlavə, həmin afişalar sosial şəbəkələrdə də geniş yayılıb.

Paylaş

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

top.moy.az