Bu Gün Hava: ABŞ dolları1.7 AZNAvro2.0142 AZN
Oxunub: 69 dəfə

Heydər Əliyev Beynəlxalq Aeroportunda dünyanın ən iri An-225 “Mriya” hava gəmisi eniş edib

Paylaş

Aprelin 19-da səhər saatlarında Heydər Əliyev Beynəlxalq Aeroportunda dünyanın ən iri An-225 “Mriya” hava gəmisi eniş edib.

Arx.az Heydər Əliyev Beynəlxalq Aeroportunun mətbuat xidmətinə istinadla xəbər verir ki, əlavə yanacaq doldurmaq məqsədilə Bakının hava limanında enən təyyarə Qazaxıstandan Fransaya kommersiya reysi yerinə yetirir.

“Mriya” aviasiya tarixində dünyanın ən iri və ən ağır yükgötürmə qabiliyyətinə malik olan hava gəmisidir və 1988-ci ildə “Antonov” aviasiya konserni tərəfindən bir nüsxədə istehsal edilib. Hazırda eyni adlı “Antonov Airlines” yük aviaşirkətinin rəhbərliyi altında istismar olunur.

Bu, “Mriya”nın (Ukrayna dilində “arzu” deməkdir) Bakıda ilk enişi deyil. Heydər Əliyev Beynəlxalq Aeroportu dünyada belə böyük təyyarəni qəbul etməyə hazır olan uçuş-enmə zolağı ilə təchiz edilmiş məhdud sayda hava limanları sırasına daxildir.

Qeyd etmək lazımdır ki, Heydər Əliyev Beynəlxalq Aeroportu, həmçinin dünyanın ən iri “Airbus A380” sərnişin laynerini dəfələrlə qəbul edib.

“Mriya”nın Bakıya səfəri haqqında Heydər Əliyev Beynəlxalq Aeroportu tərəfindən qısa videoçarx hazırlanıb.

Paylaş

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

top.moy.az