Bu Gün Hava: ABŞ dolları1.7 AZNAvro2.0142 AZN
Oxunub: 71 dəfə

Muxtar respublikada davamlı olaraq dezinfeksiya işləri aparılır

Paylaş

Muxtar respublikada yoluxucu xəstəliklərin qarşısının alınması məqsədilə yaşayış binaları, küçə və prospektlər, avtomobil yolları, insanların sıx toplaşdığı yerlər, dayanacaqlar davamlı olaraq dezinfeksiya edilir, tibbi-profilaktik tədbirlər görülür.

Arx.az Azərtac-a istinadla xəbər verir ki, dezinfeksiya işləri Naxçıvan Muxtar Respublikası Fövqəladə Hallar Nazirliyinin şəxsi heyəti tərəfindən və xüsusi avadanlıqlar quraşdırılmış maşınlarla aparılır.

Növbəti dezinfeksiya tədbirləri Naxçıvan şəhərinin Səməd Vurğun küçəsi, Çənlibel, Qoçüstü və 9-cu məhəllələri, ticarət obyektlərini, “Saat Meydanı” turistik istirahət mərkəzinin ətrafı və Cümə məscidini əhatə edib.

Bundan başqa nazirliklərin, idarə və müəssisələrin yerləşdiyi binaların ətraf əraziləri, avtomobil dayanacaqları, parkların ərazilərində uşaqlar üçün yaradılan əyləncə attraksionları, oturacaqlar və səkilər dərmanlanıb.

Dezinfeksiya işləri Naxçıvan şəhərinin avtomobil yollarında və səkilərdə də aparılıb.

Paylaş

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

top.moy.az